Gakenke: Imodoka yaguye irangirika cyane ariko nta umuntu yahitanye

9-03-2012 - 11:18' | Ibitekerezo ( )

Imodoka itwara imizigo y’ubwoko bwa Daihatsu yakoze impanuka, kuri uyu wa kane tariki 08/03/2012 mu Kintama, Akagari ka Rusagara, umurenge wa Gakenke ku bw’amahirwe ntiyagira umuntu ihitana.

Imodoka yavaga i Mutura mu karere ka Musanze itwaye ibirayi yerekeza i Kigali. Ubwo shoferi yageraga ahantu hitwa mu Kintama, indi modoka yamuturutse imbere imumurika amatara iramuhuma abura umuhanda nuko imodoka iruhukira mu muferegi ; nk’uko nyir’imodoka, Dusabimana Jean Pierre yabidutangarije.

Iyo modoka ifite purake RAB 695 R yari itwawe n’umusore Vedaste yayivuyemo ari muzima, uretse kigingi witwa Fabrice wakomeretse mu mutwe ariko ku buryo budakabije. Imodoka yo yangiritse cyane imbere ku buryo ishobora no kutazasubira mu muhanda.