KT TV
Gakenke: Ikamyo ya BRALIRWA yakoze impanuka imena amakesi hafi 400
Ikamyo ya rukururana yo mu bwoko bwa Benz-Actross yavaga i Kigali yerekeza i Rubavu yakoze impanuka kuri uyu wa gatatu tariki 10/10/2012 mu karere ka Gakenke maze amakesi 399 yari itwaye arameneka.
Iyo kamyo ifite puraki RL 0653 yari ipakiye amakesi 2660 yageze mu ikoni iri mu Kagali ka Rusagara mu Murenge wa Gakenke ihura n’imodoka yo mu bwoko bwa FUSO yibye umukono wundi.
Iyo kamyo ya BRALIRWA yagerageje gukwepa ihema ry’igice cya rukururana cy’inyuma riraturika maze amakesi anyanyagira mu muhanda; nk’uko bitangazwa n’umushoferi wari uyitwaye.
Iyo modoka yateje impanuka yajyaga i Kigali yari ipakiye amakara ariko ntiyamenyekanye kuko yakomeje iragenda; nk’uko umushoferi w’ikamyo yakomeje abisobanura.
Abaturage bahageze mbere bibye amakesi 12 ariko Polisi ikorera mu Karere ka Gakenke yihutiye gutabara ibakoma mu nkokora kuko ngo hari kwibwa amakesi menshi.
Si ubwa mbere ikamyo ya BRALIRWA ikoze impanuka muri ako Kagali ka Rusagara. Muri uyu mwaka indi kamyo ya BRALIRWA yajyanaga inzoga i Kigali yakoze impanuka igeze ahitwa mu Kintama maze inzoga n’amakesi birameneka.
Nshimiyimana Leonard
Ibitekerezo ( 1 )
Ohereza igitekerezo
|
|
EREGA BRALIRWA YAMENYEREYE IBYO,KUKO KUVA KERA HAFI BURI KWEZI NTIBIBURA KUBA
WASANGA BARIYA BASHOFERI BABA BASOMYEHO,CYANGWA BITERWA NABIRIYIA BIHEMA,BAKAGOMBYE GUSIMBUZA IBYUMA.