Abagize ayo matsinda bo mukarere ka Bugesera mu murenge wa Nyamata, babitangaje ubwo yashyirwagaho n’umuryango utegamiye kuri leta Never Again, kuri uyu wa kane tariki 20 Kanama 2015.

Eric Mahoro n’umuyobozi wa Never Again Rwanda yasobanuye ko iki gahunda igamije guteza imbere imiyiborere myiza binyuze mu biganiro hagati y’abaturage ari nabo ubwabo bayigizemo uruhare kugira ngo igerweho.

Yagize ati “Ni gahunda amatsinda y’abaturage azajya yegera abaturage hagamijwe kumva ibitekerezo byabo ku bibakorerwa, bityo hagakosorwa amakosa yajyaga akorwa na bamwe mu bayobozi yo guhimba za raporo nyamara abaturage batabizi.”

Mahoro avuga ko bizongera uruhare rw’abayoborwa, dore ko n’icyegeranyo giherutse gukorwa n’ikigo cy’igihugu cy’imiyoborere myiza (RGB), cyagaragaje ko hakiri intera ndende hagati y’abayobozi n’abayoborwa.

Abagize aya matsinda y’imiyoborere myiza, bavuga ko bazashyiramo imbaraga mu kugira ngo azagere ku ntego zayo, nk’uko bivugwa na Gahigi Jean Claude. Ati “Tuzareba niba ibikorerwa abaturage babigiramo uruhare nk’imihigo ndetse n’imihigo.”

Abagize aya matsinda basaba abayobozi bo mu nzego z’ibanze kutumva ko aya matsinda aje guhangana nabo.

Umuyobozi wungirije ushinzwe imibereho y’abaturage mu karere ka Bugesera Uwiragiye Priscila yavuze ko ubuyobozi bw’akarere buzashyigikira aya matsinda. Ati “Tunayabonamo nk’azarushaho kuba umusemburo w’ubumwe mu baturage.”

Never Again imaze gutangiza aya matsinda mu dutatu, ar two Musanze, karongi na Bugesera ariko ugateganya no kuzagera mu tundi turindwi.

Egide KAYIRANGA