Ababyeyi b’uyu mwana aribo Mugiraneza Chrysanthe na Dusabe Francine batuye mu murenge wa Masoro akarere ka Rulindo intara y’amajyaruguru, bavuga umwana wabo yari asanzwe afite ubumuga bwo mu mutwe, ngo yagiye yambaye agapira gatukura, ipantalo y’ikoboye n’inyweto z’umweru.

Uwaramuka umubonye, yahamagara kuri terefone zikurikira 0788470428 / 0789529446 cyangwa 0788451051 cyangwa bakamushyira kuri kiriziya ibegereye bagahamagara se wabo witwa Padiri Twizigiyimana Eric kuri terefone ye 0788496127 / 0722496127.

Ise ubyara uwwo mwana asobanura uko baburanye muri aya magambo:

“misa ihumuje turangije indirimbo ya Magnificat nigira imbere gufata agatebe nari nicayeho mushiki wanjye nawe azinga ibyo yari yicayeho n’abana bombi mpindukiye mu mubyigano wo gutaha mpita mubura nibwira ko ubwo asanzwe azi aho imidoka iparika, niho yagiye nahise ngana ku modoka ndamubura nguma ku modoka n’umwana umwe mushiki wanjye ahita yihutira kumutegera ku muhanda usohoka aramubura”.

Uyu mugabo avuga ko guhera icyo gihe n’ubu bagishakisha ariko ngo barahebye, ati “kugeza na n’ubu ikibabaje n’uko abaturage ngo bamubona ariko ugasanga nta murava wo kumudufatira ntituzi ubuzima abayeho nta n’urugo na rumwe rutubwira ko rwamucumbikiye ubu cyakora niringiye Imana yonyine gusa”.

Isengesho ryo kwa Yezu Nyirimuhwe mu karere ka Ruhango riba buri cyumweru cya mbere cy’ukwezi, rikunze kwitabirwa n’abantu benshi baturutse ahantu hatandukanye cyane cyane abafite indwara zidakira, kuko ngo iyo bahageze bakagira ukwizera barakira.

Eric Muvara