Premier sergent Ntihemuka Samuel avuga ko iminsi amaze mu mashyamba ya Congo mu mutwe wa FDLR ntacyo yigeze ageraho kuko abayobozi bayo bahora bababwira amagambo babona atashoboka, amwe muri ayo magambo ngo babizeza ko bazafata igihugu bagataha bafite ubuyobozi.

Sergent Bimenyimana avuga ko bimwe mu byatumye batinda mu mashyamba ya Congo ari ibihuka aho ngo abayobozi babo bahora bababwira ko umuntu wese uvuye muri FDLR adashobora kwakirwa neza ageze mu Rwanda.

Uyu musirikare abeshyuza ibyo yabwirwaga n’abayobozi be kuko ngo akigera mu Rwanda basanze ibyo bari basanzwe bazi ku makuru yo mu Rwanda bitandukanye n’ibyo abantu benshi bari mu mashyamba bibwira, icyakora nanone ngo hari abirengagiza ukuri kuko ngo amakuru menshi baba bayafite kuko ngo bayabwibwa na bagenzi babo batahutse.

Kaporari Ntihemuka we atangaza ko nyuma yo kunenga imikorere ya FDLR yagerageje uburyo bwose bwo gucika ariko ngo ntibimushobokere.

Aba basirikare bari mu nkambi y’agateganyo ya Nyagatare mu karere ka Rusizi bakaba bategereje ko bazajyanya mu ngando i Mutobo aho basubirizwa mu buzima busanzwe.

Bamwe muri aba basirikare batahukanye n’imiryango yabo, aba basirikare barashishikariza bagenzi babo bavuga ko ari benshi bakiri mu mashyamba kuva ku nkuru z’ibihuha bakagaruka mu gihugu cyabo.

Musabwa Euphrem