Iyi nkunga igizwe n’ibiribwa, imyambaro n’ibindi bikoresho bitandukanye yari imaze igihe ikusanywa bakaba barayikusanyije bashyiramo n’ibindi byari bivuye mu turere tugize intara y’iburasirazuba.

Nyuma yo guhabwa izi mfashanyo abaturage bari muri iyi nkambi bishimiye uburyo bahawe iyi mfashanyo nkuko umwe mu babihawe witwa Mandazi Casmir yabitangaje.

Umuyobozi w’intara y’iburasirazuba, Uwamariya Odette, nyuma yo kugeza ubutumwa bw’urukundo kuri aba Banyarwanda anabasaba gutekana kuko bari mu gihugu cyabo n’ubwo bagifite ibibazo by’ubuzima babayeho mu nkambi, akaba yasabye n’abakozi bashinzwe kubagezaho imfashanyo iba yabonetse kujya babikora mu buryo bunoze.

Umuyobozi w’akarere ka Kirehe iyi nkambi ya Kiyanzi ibarizwamo, Murayire Protais, arizeza ko uburyo bwakoreshejwe mu gushyikiriza imfashanyo abari mu nkambi bunoze kuko bakurikije ibintu bihari n’umubare w’imiryango 20 usanga muri buri bloc.

Inkambi ya Kiyanzi irimo Abanyarwanda nasaga 4000 batujwe muri blocs 32; aho buri bloc irimo imiryango 20. Buri muryango mu nkambi wabonye ku mfashanyo y’ibiribwa bitandukanye imyambaro n’ibikoresho.

Grégoire Kagenzi