Kirehe: Abanyeshuri 10 b’abakobwa bafashwe n’indwara itaramenyekana (Ivuguruye)

Abanyeshuri 10 b’abakobwa bo ku kigo cy’amashuri cya GS Mpanga, muri Kirehe, bari kwa muganga nyuma yo gufatwa n’indwara itaramenyekana.

JPEG - 71.6 kb
Abanyeshuri bibasiwe n’iyo ndwara ngo ni abakobwa gusa

Umunyamakuru wa Kigali Today uri mu Karere ka Kirehe avuga ko, ufashwe n’iyo ndwara atangira akuramo imyenda yambaye ubundi akiruka ari nako akubita abo ahuye nabo.

Abibasiwe n’iyo ndwara ngo ni abakobwa icyenda biga mu mwaka wa gatandatu w’amashuri abanza n’undi umwe wiga mu mwaka wa mbere w’amashuri yisumbuye. Batangiye gufatwa tariki ya 10 Gashyantare 2017.

Habanje gufatwa abana batandatu, batangira gukuramo imyenda bakubita na bagenzi babo. Abandi ngo barabibonye barabafata, babajyana iwabo.

Ariko ngo babagejejeyo biba iby’ubusa batangira kuremba. Bukeye bwaho ku wa gatandatu tariki ya 11 Gashyantare 2017, babajyana kwa muganga ku kigo nderabuzima cya Kabuye. Bakomeje kwiyongera bagera ku 10.

JPEG - 66.1 kb
Ababyeyi b’abana bibasiwe n’iyo ndwara baje kubarwaza ku bitaro bya Kirehe

Kuri uyu wa mbere tariki ya 13 Gashyantare 2017, kubavurira ku kigo nderabuzima byanze biba ngombwa ko babajyana mu bitaro bya Kirehe.

Ibimenyetso by’uburwayi bw’abo bana ngo bigaragara nk’uburwayi bwo mu mutwe bitewe n’ibikorwa bakora; nkuko Mukankuranga Jeannette, umwe mu babyeyi barwarije abana mu bitaro bya Kirehe abivuga.

Akomeza avuga ko ubwo bari bari mu kigo nderabuzima cya Kabuye, abo bana bavuze ko bashaka kwiga ariko bageze ku ishuri barongera bafatwa n’ubwo burwayi.

Agira ati "Twamaze kubakorera isuku dusaba umuyobozi w’ikigo nderabuzima kubaherekeza akibageza ku ishuri, bahageze barwanye bashaka kumenagura inzugi ari nako biyambura imyambaro

Dufashwa n’abaturage baturiye ikigo barabafata turanabazirika ngo turebe ko twabona agahenge niko kutwohereza hano mu bitaro, bageze mu bitaro barwana."

Niyonshuti Eric, umwe mu baganga bakurikirana abo bana avuga ko nabo bataramenya icyo barwaye kuko bategereje ibisubizo by’isuzuma bakorewe.

Ku mugoroba wo ku itariki ya 13 Gashantare 2017,mu bitaro bya Kirehe hari hamaze kugera abana batanu, hari na Ambulance yagiye kuzana abandi batanu bari basigaye mu kigo nderabuzima cya Kabuye.

Hari amakuru avuga ko umubare w’abana bafatwa n’iyo ndwara ukomeje kwiyongera bakaba bamaze kuba 15.

Ntakirutimana Christian wasigariyeho umunyamabanga nshingwabikorwa w’Umurenge wa Mpanga uri mu kiruhuko, avuga ko ubuyobozi bukomeje kwegera abanyeshuri bo muri GS Mpanga, bubahumuriza, amasomo nayo ngo arakomeje.

Ibitekerezo   ( 18 )

AYO NAMAROZI AHUBWO BABAVUZE VUBA.

J NEPO yanditse ku itariki ya: 23-03-2017  →  Musubize

mwizina ryaYesu nibakire

steven yanditse ku itariki ya: 8-03-2017  →  Musubize

imana ibatabare

appromien yanditse ku itariki ya: 3-03-2017  →  Musubize

Abo bana bakorerwe Councilling n, abaganga, kuko muri 2015 ku kigo cy, amashuri abanza cya Nyarungu/Ndago cell/Rusarabuye Sector/Burera District/Norhern province, iyo ndwara yigeze ifata abana b, abakobwa bo muri iyo myaka kd bigaga 6eme, bose barakize, ntayindi miti banyoye, uretse kubaha ciuncilling gusa. Mwirinde rero nta marozi. Abashidikanya mwakwegera abo bakuze. Imana ibane namwe.

Manasse yanditse ku itariki ya: 17-02-2017  →  Musubize

Nibihanganape Gusa Turabasegera

Nziyonizeye Ildeblande yanditse ku itariki ya: 16-02-2017  →  Musubize

ngaho rero nugusenga ndumva bitoroshye babavure natwe tubasengere

Alice Mugisha yanditse ku itariki ya: 15-02-2017  →  Musubize

Barebe neza ko ntamarozi yaba arimo

FIDEL yanditse ku itariki ya: 15-02-2017  →  Musubize

birababajepe.nibabagene.kwamuganga

joshuwa yanditse ku itariki ya: 14-02-2017  →  Musubize

Imana ibabehafi nukuri abobana.

John Mary Vinny’s yanditse ku itariki ya: 14-02-2017  →  Musubize

nukuri imana ibabehafi nukuri banjye nomubanyarwanda nigihe kimperuka.

John Mary Vinny’s yanditse ku itariki ya: 14-02-2017  →  Musubize

barware ubukira

habimana j pierre yanditse ku itariki ya: 14-02-2017  →  Musubize

Babaze abavuzi ba Kinyarwanda bishobora kuba bifitanye isano.
Kuko ntibyumvikana ukuntu bakize basubira Ku ishuri bakongera gufatwa.

Ushobora byose atabare abo bana.

Ntihemuka Albert yanditse ku itariki ya: 14-02-2017  →  Musubize
1 | 2

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka