Muri iyo mpanuka ikosa ryakozwe n’umushoferi w’Abashinwa kuko ngo yari afite umuvuduko mwinshi kandi yamugonze amuturutse inyuma; nk’uko byemezwa n’ababonye iyo mpanuka.

Uwagonzwe yari atwaye ipikipiki hanyuma ikamyo iramusatira maze abaturage batangira kuvuza induru ariko biba iby’ubusa amuca hejuru.

Moto nyakwigendera yari atwaye yabaye uburere.

Umushoferi wagonze nyakwigendera yahise yiruka cyane ageze imbere aparika imodoka aracika kugeza ubu yaburiwe irengero. Abashinywa bahageze baza kubaza aho umuryango wa nyakwigendera utuye kugira ngo babafashe mu gushyingura umurabo we.

Imodoka z’Abashinwa zimaze iminsi zitungwa agatoki kuko ngo abashoferi bazitwara bakoresha umuvuduko ukabije kandi bakaba bamaze guhitana abatu batari bake mu turere twa Rusizi na Nyamasheke.

Ikamyo yagonze Veterineri w’umurenge wa Nkubu.

Umunyamabanga nshingwabikorwa w’umurenge wa Nkungu, Nsabimana Theogene, atangaza ko babuze umuntu ukomeye kuko ariwe wavuraga amatungo y’abaturage kandi akayitaho cyane kuko ngo yari abishoboye cyane.

Musabwa Euphrem