Ubwo yasuraga aho abarokotse barwariye mu bitaro bya Mibirizi, Minisitiri w’Umutekano yavuze ko iki gikorwa cyo guha Abanyekongo imirambo y’abazize iyo mpanuka kiranga ubupfura bw’Abanyarwanda mu rwego rwo kubahiriza uburengazira bw’ikiremwamuntu.

Abayobozi batandukanye mu muhango wo kwifatanya n’Abakongomani mu kababaro k’ababo bishwe n’impanuka.

Muri uyu muhango kandi Minisitiri w’umutekano yashimiye inzego z’itandukanye zirimo abaganga, inzego z’umutekano n’abaturage bihutiye gutabara abaturanyi babo, abashimira ko batigeze barangwa n’ingeso yo gusahura ahabaye impanuka.

Minisitiri Fazil yatangaje ko ibikorwa by’ubunyangamugayo mu gutabara bigaragara mu gihugu hose, aho Abanyarwanda bihutira kubika neza ibintu byabahuye n’impanuka.

Guverineri w’intara ya Kivu y’Amajyepho ashimira Leta y’u Rwanda ku butabazi bakoreye Abacongomani.

Ni no muri urwo rwego Abakongomani bose bagize ibyago bahawe ibyabo byose ku mugaragaro. Muri byo hari harimo amadolari angana na 2755, amafaranga akoreshwa muri Congo ibihumbi 56.950 n’ibindi bintu byari biri muri iyi modoka.

Polisi y’u Rwanda iri gushyikiriza Abacongomani ibyabaguye mu mpanuka.

Itsinda ry’abayobozi b’intara ya kivu y’amajyepfo riyobowe na Guverineri Marcellin Cishambo Ruhoya, yashimiye Leta y’u Rwanda ku bubutabazi bagaragaje kuva impanuka yaba kugeza icyo gihe igikurikirana abakomerekejwe niyo mpanuka bari mubitaro bya Mibirizi.

Porisi y’igihugu yasobanuriye iryo tsinda ry’Abacongomani uburyo impanuka yabaye n’icyayiteye. Polisi isobanura ko yatewe n’umuvuduko ukabije kandi nabo bagezwa aho iyo mpanuka yabereye basanga ari ko bimeze.

Aho imodoka yakonkobotse.

Bamwe mu barwayi bari kwitabwaho Mibirizi

Abitabye Imana bashyikirijwe ubuyobozi bwa Congo kugira ngo bagezwe iwabo.

Iyo ni imizigo y’abahuye n’impanuka igiye guhabwa Abacongomani.

Euphrem Musabwa