Mu mukwabo wakozwe n’inzego z’umutekano mu karere ka Ruhango, wasanze aba bagore bombi barimo gucuruza iyi nzoga y’inkorano izwi nk’ikiyobyabwenge gikaze, bakaba barafatanywe litiro zigera kuri 300.

Nk’uko byemezwa n’abantu batandukanye, iyi nzoga ngo ni mbi cyane kuko uyinywa abyimba umubiri wose nk’urwaye bwaki.

Ubwo abashinzwe umutekano bari bajyanye abafashwe kuri station ya Polisi.

Inzego z’umutekano mu karere ka Ruhango ziravuga ko zifite ingamba n’ubushake bwo kurwanya iki kiyobyabwenge. Zigasaba abaturage n’inzego z’ibanze kubafasha muri iki gikorwa cyo guhashya ibiyobyabwenge kuko ari bimwe mu byangiza ubuzima by’abantu.

Eric Muvara