Uyu mugabo yafashwe mu gihe mu murenge wa Muringa mu karere ka Nyabihu hari hamaze iminsi hibwe insinga z’amashanyarazi; nk’uko polisi ya Nyabihu yabitangaje tariki 17/08/2012.

Munezero Bachir acumbikiwe kuri Station ya Police ya Mukamira akekwaho kwiba insinga z’amashanyarazi.

Bikekwako izi nsinga z’amashyanyarazi zishishurwaho plastic y’inyuma hanyuma zikagurishwa n’abagande basanzwe baza kugura ibyuma bitandukanye bishaje mu Rwanda bakajya kubikoramo ibindi.

Si ubwa mbere ubujura bw’insinga bubaye kuko no mu murenge wa Mukamira naho ngo bigeze kwiba insinga za connection ya internet bigatuma ibura mu karere Rubavu; nk’uko police yabitangarije.

Safari Viateur