Uwo mwana w’umukobwa yarohamye mu kiyaga ubwo abantu bakuru bari kumwe batari hafi ye cyangwa bari bahugiye mu yindi mirimo; nk’uko polisi y’igihugu ibitangaza.

Nyuma yo kurohora umurambo wa nyakwigendera, Polisi yawujyanye ku Bitaro Bikuru bya Kibungo kugira ngo ukorerwe ibizamini byo kwa muganga.

Umuvugizi wa polisi y’igihugu, Supt. Theos Badege, avuga ko impfu zijyanye no kurohama zishobora gukumirwa mu gihe cyose ababyeyi n’abakozi bo mu rugo badasize abana bonyine. Yongeraho ko ari inshingano z’ababyeyi n’abakozi bo mu rugo kubarinda izo impfu.

Polisi isaba ababyeyi kuba maso kuko impfu zijyanye no kurohama zishobora kwiyongera niba badacunze abana babo bakabaherekeza igihe cyose bagiye hanze kandi bakanabigisha ibibi byo gukinira hafi y’ibiyaga n’ibidendezi by’amazi.

Nshimiyimana Leonard