KT TV
Umuhanda Muhanga-Ngororero-Mukamira wongeye kuba nyabagendwa
Nyuma y’uko imvura nyinshi iguye ku Cyumweru tariki 23 Mata 2023, amazi akuzura umuhanda Muhanga-Ngororero-Mukamira bikaba ngombwa ko uwo muhanda ufungwa, Polisi y’u Rwanda yamenyesheje abakoresha uwo muhanda ko wongeye kuba nyabagendwa.
Umuhanda wongeye kuba nyabagendwa
Itangazo Polisi yanyujije ku mbuga nkoranyambaga riragira riti “Polisi y’u Rwanda irabamenyesha ko ubu umuhanda RN 11, Muhanga - Ngororero - Mukamira ari nyabagendwa”.
Umuhanda Muhanga-Ngororero-Mukamira akunze kwibasirwa n’ibiza by’imvura, aho amazi n’ibyondo bituruka mu misozi byiroha mu muhanda bikawufunga, hakiyongeraho no kuridukirwa n’inkangu kubera imikingo iwugize ifite ubuhaname burebure.
Uyu muhanda ukunze kwibasirwa n’ibiza biterwa n’imvura
Ibitekerezo
Ohereza igitekerezo
|
|
