KT TV
Ubukwe bubaye bugafatirwamo umuntu utarikingije (Covid-19) byaba ari ikibazo - CP Kabera
Umuvugizi wa Polisi y’u Rwanda, CP John Bosco Kabera, yaburiye Abaturarwanda batazubahiriza amabwiriza yo kwirinda Covid-19 yashyizweho n’Inama y’Abaministiri tariki 28 Ugushyingo 2021, ko bashobora kwikururira ibibazo byo gufatwa bakabihanirwa.
Iyo nama y’Abaminisitiri idasanzwe yayobowe na Perezida wa Repubulika, Paul Kagame, yafashe imyanzuro ku kwirinda Covid-19, harimo usaba abantu bose bitabira inama, ibirori, imurikabikorwa, ibitaramo, ubukwe n’andi makoraniro rusange, kuba barikingije Covid-19 kandi babanje kuyipimisha.
CP Kabera asaba abategura ubukwe n’inama kugenzura neza niba hatajemo abantu batahawe urukingo rwa Covid-19, nka kimwe mu bisabwa bitatu byafasha kwirinda ubwoko bushya bwa Covid-19 bwitwa Omicron.
Kugeza ubu ibintu bitatu birimo gusabwa abantu mu rwego rwo gukumira Covid-19 yihinduranyije ni ukwikingiza, kwipimisha kenshi ndetse no kubahiriza amabwiriza yari asanzweho (yo kwambara agapfukamunwa, guhana intera, gukaraba intoki kwirinda guhana ibiganza,…)
Umuvugizi wa Polisi yagize ati “Turabwira Abaturarwanda ko bagomba kubahiriza ariya mabwiriza uko yakabaye, kuko ubukwe bubaye hagafatirwamo umuntu utarikingije urumva ko byaba ari ikibazo, kugeza ubu abantu bakwiye kumva ko ibyemezo byafashwe bigomba kubahirizwa”.
CP Kabera yakomeje aburira abantu barimo gucurisha ibyangombwa by’uko bikingije cyangwa bipimishije ko igifungo gikomeye kibategereje.
Yavuze ko mu cyumweru gishize ubwo habaga umupira uhuza amakipe ya Rayon Sports na APR FC, hari abantu 15 bafashwe bakoresheje ibyangombwa by’uko bipimishije Covid-19.
CP Kabera yavuze ko abazahamwa n’ibyaha byo gucurisha ibyangombwa by’uko bikingije cyangwa bipimishije Covid-19, bazahanishwa igifungo kiri hagati y’imyaka itanu n’irindwi.
Mu yindi myanzuro yafashwe n’Inama y’Abaminisitiri yo ku wa 28 Ugushyingo 2021, harimo uwo gusubika ingendo z’indege zijya mu bihugu bya Afurika y’Amajyepfo kuko byibasiwe na virusi ya Omicron.
Abantu bose bavuye muri ibyo bihugu cyangwa baherutse gukorerayo ingendo bagomba kubanza gushyirwa mu kato k’iminsi irindwi muri hoteli zabugenewe, kandi bakiyishyurira ikiguzi.
Abavuye mu bindi bihugu byo hirya no hino ku isi na bo bagomba kwishyira mu kato k’umunsi umwe(amasaha 24) muri hoteli zabugenewe kandi bakiyishyurira ikiguzi cya serivisi bahabwa.
Inkuru zijyanye na: Coronavirus
- Perezida Museveni wa Uganda bamusanzemo COVID-19
- Bangladesh: Habonetse abantu 68 banduye COVID-19 mu masaha 24
- #COVID19: Abantu 32 banduye mu cyumweru babonetse mu bipimo 11,440
- #COVID19: Abantu 27 banduye mu cyumweru babonetse mu bipimo 9,528
- #COVID19: Abantu 28 banduye mu cyumweru babonetse mu bipimo 9,555
- #COVID19: Abantu 23 banduye mu cyumweru babonetse mu bipimo 8,951
- #COVID19: Abantu babiri banduye babonetse mu bipimo 1,212
- #COVID19: Nta muntu wanduye mushya mu bipimo 1,215
- #COVID19: Umuntu umwe wanduye yabonetse mu bipimo 1,290
- #COVID19: Umuntu umwe wanduye yabonetse mu bipimo 1,131
- #COVID19: Abantu babiri banduye babonetse mu bipimo 1,224
- #COVID19: Abantu batanu banduye babonetse mu bipimo 1,515
- #COVID19: Abantu 6 banduye babonetse mu bipimo 974
- #COVID19: Umuntu umwe wanduye yabonetse mu bipimo 1,828
- #COVID19: Abanduye batatu babonetse mu bipimo 2,071
- #COVID19: Umuntu umwe wanduye yabonetse mu bipimo 1,500
- #COVID19: Abantu babiri banduye babonetse mu bipimo 1,467
- #COVID19: Umuntu umwe wanduye yabonetse mu bipimo 1,207
- #COVID19: Nta muntu wanduye mushya mu bipimo 1,328
- #COVID19: Umuntu umwe yitabye Imana, abanduye ni 2,195
Ibitekerezo ( 1 )
Ohereza igitekerezo
|
|
Ariko satani ntiyabase imitima y’abanyarwanda? Abantu bajya mu kabari ntawubasaba gupimwa covid, mu nsengero ntawusaba abinjiyemo kwipimisha covid, abagenzi muri bus baba bapakiye ntawabanje kwipimisha, mu masoko ntawusabwa kwipimisha covid hanyuma Kabera ati ikibazo ni abaza mu bukwe hhhhh mwumva mutaramaze gucanganyikirwa? Covid yaje ije kurwanya abakora ubukwe gusa? Mujye munashyiramo ubwenge n’ubumuntu nubwo covid mbona yabidutwaye.