Uwakubiswe witwa Harerimana akimara gukubitwa no kwamburwa amafaranga yari yahawe nk’igihembo aho akorera, yahise yitabaza inzego z’umutekano zita muri yombi uwo muyobozi witwa Kubwimana Alphonse.

Umunyamabanga nshingwabikorwa w’umurenge wa Bweyeye, Muhirwa Philipe, yatangaje ko uyu muyobozi asanzwe agira imyitwarire mibi kuko ngo akunda kurwana n’abaturage kubera ubusinzi. Kubwimana ufungiye kuri sitasiyo ya police ya Bweyeye yemeye icyaha, avuga ko azanasubiza ayo mafaranga yambuye umu muturage.

Usibye kuba yarahohoteye uwo muturage, Kubwimana anakurikiranyweho icyaha cyo kuba yarasuzuguye n’inzego z’umutekano kuko ngo yaciye urwandiko rumuhamagaza kwitaba polisi ubwo yari amaze kurushyikirizwa n’abaturage agahita aruca imbere yabo.

Uyu muturage wahohotewe n’uyu muyobozi yabwiye Kigali Today ko ibyo kumukubita akamubabaza yabimuhereye imbabazi, ariko ngo amafaranga ye ntiyayaheba agomba kuyamusubiza.

Musabwa Euphrem