Umuyobozi w’Akarere ka Rusizi, Kayumba Ephrem, yavuganye na Kigali Today ari mu nzira yerekeza aho iyo nkongi yabereye, yemeza ko koko byabaye.

Ati “Yafashe inzu y’ubucuruzi iherereye hano mu Mujyi rwagati i Kamembe. Ubungubu inzego z’umutekano ziriyo, twatabaje kizimyamwoto yo ku kibuga cy’indege kugira ngo baze gutangayo ubutabazi.”

Iby’iyi nkongi kandi byemejwe n’abacururiza i Kamembe. Umwe muri bo yabwiye Kigali Today ko imodoka izimya inkongi yahageze irayizimya ariko byinshi mu byari biyirimo byamaze kwangirika.

Iyo nzu igizwe n’imiryango ine ngo yabanje gushya uruhande rumwe biturutse mu gikari, abari hafi baratabara bimwe bihiramo, ibindi babisohora hanze.

Ngo nta muntu wigeze ahiramo cyangwa ngo akomereke, icyateye iyo nkongi kikaba kitahise kimenyekana.