Umugabo wa nyakwigendera witwa Faustin Hanyuzimpfura ngo akimara kubura umugore we yahise abimenyesha abo baturanye bakomeza kumushaka kugeza aho bamubonye mu mugezi wa Nyabarongo mu gitondo.

Mukangeruka wari utuye mu Kagari ka Gikingo mu Murenge wa Ruli ngo ubusinzi bushobora kuba aribwo bwihishe inyuma y’urupfu rwe, kuko uretse kuba nta kimenyetso kigaragaza ko yishwe ngo ejo yiriranwe n’umugabo we mu kabari gaherereye mu Gasantere ka Gahira kari mu Kagari ka Jango.

Umunyamabanga nshingwabikorwa w’Umurenge wa Ruli, Félicien Cyubahiro, nyuma yo kwemeza amakuru y’urupfu rwa Mukangeruka yasobanuye ko bishoboka cyane ko nyakwigendera yaba yaguye mu mugezi bitewe n’uko yari yasinze.

Akomeza asaba abaturage kureka kujya bakoresha inzira z’ubusamo kugira ngo bagere iyo bagiye vuba ahubwo bakanyura ku kiraro cyabubakiwe nubwo bisaba kuzenguruka, ariko bikabarinda guhura n’impanuka za hato na hato kuko akenshi abagwa mu mugezi baba batanyuze kuri icyo kiraro.

Abdul Tarib