Rwagatore yafatiwe mu murenge wa Kamabuye mu karere ka Bugesera ku bufatanye bwa Polisi ya Ruhango na Bugesera. Kugeza ubu afungiye kuri station ya polisi ya Nyamagana mu akarere ka Ruhango.

Uyu mugabo utuye mudugudu wa Karama, mu kagari ka Nyarurama umurenge wa Ntongwe akarere ka Ruhango yishe umugore we tariki 07/01/2013 amutemaguye ukuboko no mu mutwe, amuzijije imyumbati bari bamaze iminsi binuye bagomba kuyigurisha.

Umunyamabanga nshingwabikorwa w’umurenge wa Ntongwe, Ngendahayo Bertin, yavuze ko icyateye aya makimbirane, ari inshoreke y’uyu mugabo bari bamaranye iminsi, kuko bari bafitanye gahunda yo kugurisha iyi myumbati nta ruhare umugore w’isezerano agizemo.

Eric Muvara