KT TV
Rubavu: Abantu 76 barajwe muri Sitade bazira kutubahiriza amabwiriza yo kurwanya Covid-19
Abafashwe bazira kurenza isaha ya saa tatu z’ijoro, kutambara udupfukamunwa hamwe no gufatirwa mu tubari.
Ubuyobozi bw’Akarere ka Rubavu butangaza ko bari bamaze iminsi umubare w’abarenga ku mabwiriza bajyanwa muri Sitade waragabanutse, ariko muri iyi minsi abantu bakaba ngo batangiye kwirara.
Ishimwe Pacifique umuyobozi w’Akarere ka Rubavu wungirije ushinzwe imibereho myiza avuga ko barimo guhwitura abarimo kurenga ku mabwiriza.
"Tumaze iminsi tubona imibare yiyongera kandi abenshi ni urubyiruko.
Twahisemo kongera kwibutsa abatuye Akarere ka Rubavu ko amabwiriza akiriho kandi agomba kubahirizwa."
Akarere ka Rubavu ni Akarere kagendwa na benshi kubera ubukerarugendo bushingiye ku kiyaga cya Kivu.
Cyakora nubwo aka Karere gasurwa cyane, ubuyobozi buvuga ko abakagenderera bagomba kubahiriza amabwiriza ya Covid-19.
"Kuba dusurwa turabikeneye ariko ntitwabyitwaza twica amabwiriza yo kwirinda Covid-19, abaza bagomba kuyubahiriza kuko banduye cyangwa bakanduza ntitwaba dukora Inshingano zacu."
Bamwe mubafashwe bazira kutubahiriza amabwiriza yo kwirinda Covid-19 barimo abashoferi.
Kamari wafashwe arimo kuva i Kigali ataha mu mujyi wa Gisenyi, avuga ko yakoze amakosa yo kurenza amasaha atabimenyesheje polisi.
"Ubusanzwe iyo tubona turatinda tubikenyesha Polisi, ariko ikosa nakoze nagiye i Kigali mbona ko nkererwa sinabimenyesha ubuyobozi."
Kamari ashishikariza abandi bashoferi kubahiriza amabwiriza yo kwirinda Covid-19, kandi igihe babona bari burenze amabwiriza bagasaba uburenganzira Polisi.
Imodoka zafashwe ni 16 zari zarengeje amasaha yo gutaha, naho abafashwe batambaye udupfukamunwa bavuga ko bazi akamaro ko kukambara ahubwo bari batwibagiwe.
Abafashwe uko ari 76 uretse kurazwa muri Stade nk’igihano, bigishwa akamaro ko kubahiriza amabwiriza yo kwirinda Covid-19, bagacibwa amande bagasubira mu miryango yabo.
Ubuyobozi bw’Akarere ka Rubavu buvuga ko imibare y’abarwaye Covid-19 mu Ntara y’i Burengerazuba irimo kwiyongera kubera imibare iboneka mu Karere ka Karongi, agasaba abayurage kwitwararika kugira ngo bayazava aho basubizwa muri guma mu rugo nko mu bihe byashize kimwe.
Inkuru zijyanye na: Coronavirus
- Perezida Museveni wa Uganda bamusanzemo COVID-19
- Bangladesh: Habonetse abantu 68 banduye COVID-19 mu masaha 24
- #COVID19: Abantu 32 banduye mu cyumweru babonetse mu bipimo 11,440
- #COVID19: Abantu 27 banduye mu cyumweru babonetse mu bipimo 9,528
- #COVID19: Abantu 28 banduye mu cyumweru babonetse mu bipimo 9,555
- #COVID19: Abantu 23 banduye mu cyumweru babonetse mu bipimo 8,951
- #COVID19: Abantu babiri banduye babonetse mu bipimo 1,212
- #COVID19: Nta muntu wanduye mushya mu bipimo 1,215
- #COVID19: Umuntu umwe wanduye yabonetse mu bipimo 1,290
- #COVID19: Umuntu umwe wanduye yabonetse mu bipimo 1,131
- #COVID19: Abantu babiri banduye babonetse mu bipimo 1,224
- #COVID19: Abantu batanu banduye babonetse mu bipimo 1,515
- #COVID19: Abantu 6 banduye babonetse mu bipimo 974
- #COVID19: Umuntu umwe wanduye yabonetse mu bipimo 1,828
- #COVID19: Abanduye batatu babonetse mu bipimo 2,071
- #COVID19: Umuntu umwe wanduye yabonetse mu bipimo 1,500
- #COVID19: Abantu babiri banduye babonetse mu bipimo 1,467
- #COVID19: Umuntu umwe wanduye yabonetse mu bipimo 1,207
- #COVID19: Nta muntu wanduye mushya mu bipimo 1,328
- #COVID19: Umuntu umwe yitabye Imana, abanduye ni 2,195
Ibitekerezo ( 1 )
Ohereza igitekerezo
|
|
I Rubavu bamwe bafatwa barenze ku mabwiriza yo kurwanya Covid19, bakigishwa bagahanwa bagataha, bigaragara ko n’imibare y’abandura igabanya, Ariko ko twumva ko hadutse uburyo bushya bwo kwanduza abantu Covid19 Maze imibare ikiyongera akazi kakaboneka kuri bamwe, ni ku bitaro bya GISENYI muri Urgence Twumvise Bakiriye umurwayi waje afite ibimenyetso bya Covid19 baramupima basanga ni Positif, bakihamukura ako kanya, bazanye umugore warembye bamuvanye guca mu cyuma bahita bamuryamisha kuri cya gitanda bakuyeho uwa Covid19 batigeze bagitera n’Umuti kandi ubwo hari n’ibindi bitanda biberey’aho, Ese ubwo s’ubugome bakoze babigambiriye cg n’ubushakashatsi Barimo ngo barebe uko yandura, Aho duheruka ngo uwo Mubyeyi n’umugabo we bahise babah’akato Murugo iwabo, ngo bazaza kubapima, Twabajije uwo mugabo ko har’uwo yihutiye kubimenyeshya, ati naterefonnye Meya wa Rubavu, na DG w’ibitaro bya GISENYI, Aho Bari Mu kato Murugo n’ubwoba bwinshyi bâti ngo ko wumva bazaza kudupima tuzizera gute ibisubizo Aribo badushize mur’aka kaga? None Ndabaza nti? Ya mibare twumva Aho ntiyongerwa n’abo banduje gutyo ngo akazi kaboneke?