Iyi mpanuka yabereye mu Marere ka Nyanza mu Murenge wa Kigoma mu Kagari ka Butansinda.

Umunyamabanga Nshingwabikorwa w’Umurenge wa Kigoma, Gasore Clement yabwiye Kigali Today ko umukecuru Mukankusi yagwiriwe n’inzu ubwo yari agiye gushakaho urukwi rwo gucana.

Yagize “Inzu yamuguye hejuru yari amaze iminsi yarayimutsemo kubera ko yari ishaje. Mu gihe yayikuragaho urukwi ni bwo igice cyayo cyamwituye hejuru aravunika bamugeza kwa muganga ariko byabaye iby’ubusa kuko kubera intege nke yari yamaze gushiramo umwuka”.

Kuri uyu wa 29 Ukuboza 2015, umurambo w’uwo mukecuru woherejwe mu Bitaro bya Nyanza kugira ngo usuzumwe mbere yo kumushyingura.

Gasore yakomeje avuga ko mu gihe habayeho urupfu nk’urwo hagomba gukorwa isuzuma kugira ngo hemezwe amakuru nyayo y’icyateye urupfu kikemezwa n’abaganga mbere y’uko umurambo w’uwo muntu ushyingurwa.