Umwe mu bakekwaho ubwo bujura witwa Noheli Sibomana w’Imyaka 18, yatawe muri yombi kuri uyu wa Gatandatu tariki 18/02/2012 amaze kugurisha inyundo nini imena amabuye, yibye mu rugo rw’uwitwa Nshimyumuremyi Celestin utuye aho mu mugonzi.

Sibomana wafashwe akimara kwishyurwa amafaranga, yemera icyaha ariko akavuga ko icyamuteye kwiba ari inzara aterwa no kuba ari umwana w’imfubyi. Nyir’inyundo nawe yaje kumuha imbabazi asubirana inyundo ye.

Abatungwa agatoki barimo abakozi bo mu ngo n’abandi bitwa abatemberezi, birirwa bazenguruka mu midugudu bashaka abo bahomera amajerekani cyangwa amasafuriya yapfumutse.

Abo batemebezi baza bakomanga ku nzugi n’ibipangu, nyir’urugo yatinda kubakingurira bakiha karibu basanga nta munt uurimo kakiha icyo bahasanze. Igitangaje ni uko batanatinya kwiba ibiryo byo mu nkono.

Bamwe mu baturage batuye muri uwo mudugudu bavuga ko ubujura buciye icyuho bumaze kuba akarande kuri bo. Bifuje ko abafatiwe muri ubwo bujura bajya bahanwa hakurikijwe amategeko, ku buryo babera abandi icyitegererezo bigatuma bacika kuri iyo ngeso mbi yo kwiba.

Jean Pierre Twizeyeyezu