Mu masaha ya saa kumi n’imwe z’umugoroba hari hahagaze bisi (bus) yari itwaye abagenzi bagana i Kamembe yabuze uko itambuka. Nyuma yaho indi bisi yari itwaye abantu berekezaga ahitwa i Hanika mu murenge wa Macuba yagerageje gutambuka imbere y’iyo kamyo ariko umwanya uba muto nayo iheramo gutyo.

Ikamyo y’umweru yanyereye igafunga umuhanda. Bisi yagerageje kuyica iruhande nayo iheramo.

Imodoka ntoya n’izindi zifite ingufu nyinshi nizo zabashaga guca ku ruhande rwo hepfo y’iyo kamyo kuko naho hari hari ibyondo byinshi. Izo bisi uko ari ebyiri zabashije kuhava mu ijoro ryakeye; nk’uko byemezwa n’abahaciye mu gitondo cyo kuri uyu wa gatatu tariki 09/05/2012.

Hashize igihe kingana n’ibyumweru bibiri gusa aha muri kamiranzovu haguye imodoka yo mu bwoko bwa Fuso yari ipakiye ibinyobwa bya Bralirwa.

Emmanuel Nshimiyimana