Bakunzibake avuga ko atagurisha urumogi ndetse ko adakoresha urumogi ku buryo ubwo aribwo bwose ariko ko hari umuntu w’inshuti ye warumubikije bakarumusangana. Yagize ati “hari umuntu wambikije utu dupfunyika tw’urumogi ariko si urwanjye yagombaga kuza karutwara”.

Bakunzibake yemeza ko yarubikijwe abizi ariko ko nta ruhare yari afite mu kurucuruza cyangwa se kuba rwanyobwa, gusa ntabwo yatangaje uwamubikije urwo rumogi.

Bakunzibake yatawe muri yombi ku itariki ya 17 Gicurasi ku bufatanye bw’inzego z’ibanze na polisi y’igihugu cyane ko byavugwaga ko asanzwe acuruza urumogi.

Polisi irasaba abaturage bose kurushaho kugirana ubufatanye mu guhashya ibyaha, no gutanga amakuru y’ahashobora kuba hari ibiyobyabwenge, cyane ko aribyo bikurura umutekano mucye iyo ababinyweye batangiye gukora ibikorwa bihungabanya umutekano.

Aramutse ahamwe n’icyaha cyo guhinga, gutunda , gucuruza cyangwa se kunywa ibiyobyabwenge mu buryo butemewe n’amategeko azahanishwa igifungo cy’umwaka 1 kugera ku myaka 3 n’ihazabu y’amafaranga ibihumbi 50 kugera ku bihumbi 500, nk’uko biteganywa n’ingingo ya 593 kugera ku ngingo ya 594 mu gitabo cy’amategeko ahana ibyaha mu Rwanda.

Umugwaneza Jean Claude