Ibyo byabaye, ubwo Ndizeye yafatwaga n’umupolisi mukuru ukorera mu muhanda (traffic police officer) kuri bariyeri atwaye ipikipiki itagira nimero ya purake n’uruhushya rwo gutwara ikinyabiziga.

Umupolisi yamwandikiye amande ateganwa n’itegeko maze aragenda. Nyuma Ndiyizeye yaje kubona nimero za terefone z’umupolisi wamwandiye azihawe na Donah Ahorukomeye, aramuhamagara kugira ngo bahure.

Ubwo bahuraga, Ndiyizeye yamuhaye amafaranga ya ruswa ibihumbi 15 kugira ngo amande yamwandikiye aveho, nk’uko polisi y’igihugu ibitangaza.
Umupolisi yahise amuta muri yombi amujyana kumufungira kuri Sitasiyo ya polisi ya Gasaka.

Umuvugizi wa polisi, Supt. Theos Badege, avuga ko bitumvikana uburyo umukozi wa Leta agerageza gutanga ruswa ku mupolisi mukuru. Ati: “Ibi byabaye, bikwiye kubera n’abandi urugero batekerezaga gutanga ruswa ku bapolisi bakuru.”

Ndizeye aramutse ahamwe n’icyaha, yahanishwa igifungo kiri hagati y’imyaka ibiri n’itanu; nk’uko bigenwa n’ingingo ya 14 y’itegeko nimero 23 ryo mu mwaka wa 2003 rihana byaha bya ruswa n’ibindi byaha.

Nshimiyimana Leonard