Nsanzabugabo yari acumbitse muri uwo murenge kuko ubusanzwe akomoka mu ntara y’amajyepfo mu karere ka Muhanga mu murenge wa Kibangu nk’uko bivugwa n’umunyamabanga nshingwabikorwa w’umurenge wa Ntarama, Mukantwari Bertilde.

Yagize ati “uyu musaza yakoraga akazi gatandukanye, kugeza ubu ntituramenya icyamuhitanye kuko twatabajwe n’abaturage batubwira ko bamusanze iwe yapfuye. Nta gikomere twamusanganye cyangwa ikindi kintu kigaragaraza ko cy’aba cyamuhitanye”.

Nyakwigendera nta muntu n’umwe babanaga kuko yabaga mu nzu ye wenyine, dore ko abo mu muryango we babaga aho avuka mu karere ka Muhanga.

Umurambo wa nyakwigendera wajyanwe mu buruhukiro bw’ibitaro by’ADEPR Nyamata, aho wagiye gukorerwa isuzuma ngo hamenyekane neza icyamuhitanye.

Egide Kayiranga