Uyu mugabo wari usanzwe akora akazi k’ubudozi mu gasantere ka Gatumba, yari ririranywe n’abaturage ku munsi wabanjirije urupfu rwe, nk’uko Ernest Niyonsaba, umuyobozi w’umurenge wa Gatumba yabitangaje.

Inkuru yamenyekanye ubwo bamushatse ngo bamwishyure amafaranga y’akazi yari yakoze ariko bakamubura. Ndetse ngo nta n’inzoga nyinshi yari yanyweye, nk’uko bitangazwa n’umwe mu bo bari bakoranye.

Uwizeye wari ufite imyaka 27, mbere y’uko apfa yari yakoranye n’abandi bantu batuye aho ikiraka cyo gutunda amabati y’inkunga yahawe umurenge wa Gatumba yo gusana amazu yasakamburiwe n’umuyaga.

Ubwo abari bari muri iki gikorwa bakirangizaga, ngo bashatse nyakwigendera ngo bamuhe amafaranga yari yakoreye maze baramubura, nabo niko kwitahira, nyuma umurambo we uza gusangwa mu musarani w’inyubako za ETO Gatumba, ubonywe n’abarinda izo nyubako.

Ariko byari bisanzwe bizwi ko uyu mugabo asanzwe arwara indwara y’umuvuduko w’amaraso ukabije, ndetse n’imibanre ye n’umugore we itari myiza, nk’uko bakomeza babitangaza.

Hagati aho Polisi yahise ijyana umurambo wa nyakwigendera ku bitaro bya Muhororo ngo hasuzumwe icyaba cyamwishe.

Ernest Kalinganire