Umunyamabanga nshingwa bikorwa w’umurenge wa Mugesera, Bizumuremyi Jean Damascene, avuga ko basanze Habineza arimo guteka kanyanga kandi ko yiyemerera ko yari asanzwe akora uwo murimo. Habineza yemeza ko aramutse ahawe imbabazi atazongera kubikora.

Habineza yafatanwe ijerekani ya kanyanga yari arimo ateka hamwe n’ibikoresho akoresha mu kuyiteka birimo ingunguru n’ibindi.

Bizumuremyi avuga ko ibikorwa byo guteka iyi nzoga kugeza ubu ifatwa nk’ikiyobyabwenge. Yemera ko hari abantu bayicuruza mu murenge ayobora ariko ko hamwe n’inzego z’abaturage zirimo community policing batanga amakuru maze bagafatwa kandi ko bazajya bashyikirizwa ubutabera.

Yagize ati “Guca ibi biyobyabwenge si ikintu cyoroshye ariko turizera ko dufatanije n’abaturage baduha amakuru bizashoboka tuzice kuko ari zo zitera umutekani muke mu ngo ndetse no mu murenge wacu.”

Guteka cyangwa gucuruza kanyanga ni icyaha gihanirwa mu Rwanda kuko kanyanga ifatwa nk’ikiyobyabwenge. Raporo zishyirwa ahagaragara yaba kurwego rwa polisi cyangwa inzego zibanze bigaragara ko ibiyobyabwenge nka kanyanga, urumogi ndetse n’ibindi aribyo biza ku isonga mu guhungabanya umutekano birimo kwica no gukomeretsa.

Jean Claude Gakwaya.