Musanze: Polisi irimo gushakisha uwitwa Ndahayo ukekwaho kwica umugore we

Mu ijoro ryo ku wa mbere tariki ya 20 Gicurasi 2019 ahagana saa mbili z’ijoro nibwo hamenyekanye inkuru y’urupfu rw’uwitwa Ntakirutimana Eustachie wishwe atewe ibyuma. Harakekwa umugabo we witwa Ndahayo Jean de Dieu w’imyaka 45 y’amavuko.

Ndahayo Jean de Dieu ukekwaho kwica umugore we arimo gushakishwa
Ndahayo Jean de Dieu ukekwaho kwica umugore we arimo gushakishwa

Umuvugizi wa Polisi mu Ntara y’Amajyaruguru, CIP Alexis Rugigana, yahamirije Kigali Today iby’aya makuru, polisi ikaba yatangiye gushakisha uyu mugabo ku bufatanye n’izindi nzego zishinzwe umutekano.

Yagize ati: “Twasanze yicishijwe ibyuma n’umupanga. Kumugeraho byadusabye kubanza kwica urugi kuko yamaze kumwica akamukingirana, agahita atoroka; umurambo twahise tuwujyana ku bitaro bikuru bya Ruhengeri kugira ngo ukorerwe isuzuma”.

Umuvugizi wa Polisi mu Ntara y’Amajyaruguru kandi aratangaza ko bamenye amakuru avuye mu baturanyi y’uko nyakwigendera yari amaranye imyaka icumi n’uwo mugabo bikekwa ko ari we wamwivuganye, ariko bakaba batari bafitanye umwana. Ngo yamuciye inyuma atera inda umukozi wabakoreraga, kugira ngo umugabo abihishe akaba yari yarimuriye umukozi mu Murenge wa Kinigi, aba ari ho amutungira.

Mu rugo kwa nyakwigendera, abaturanyi bari baguye mu kantu
Mu rugo kwa nyakwigendera, abaturanyi bari baguye mu kantu

CIP Rugigana yasabye abantu kujya batanga amakuru hakiri kare y’ingo zirangwamo amakimbirane kugira ngo hirindwe ingaruka ziyaturukaho, dore ko bikekwa ko urupfu rwa nyakwigendera rwaba rufitanye isano n’iyo myitwarire y’umugabo we.

Yagize ati: “Mu ntara y’Amajyaruguru turacyafite ikibazo cy’abagore bahishira ihohoterwa n’amakimbirane bakorerwa n’abo bashakanye nyamara tuzi neza ingaruka zabyo zivamo n’urupfu”.

Nyakwigendera Ntakirutimana Eustachie yari asanzwe ari umuyobozi w’Urwunge rw’Amashuri rwa Kabere, ishuri riherereye mu Murenge wa Muko mu Karere ka Musanze, ubu bakaba bari batuye mu murenge wa Kimonyi na wo wo muri ako karere.

MENYA UMWANDITSI

kigalitoday android app mobile

Ibitekerezo   ( 5 )

Imana izakirenyakwigenderamubayo

HABARUREMA JOHN yanditse ku itariki ya: 12-07-2019  →  Musubize

Gusa uwonyakwigendera imana izamwakiremubayo

HABARUREMA JOHN yanditse ku itariki ya: 12-07-2019  →  Musubize

igitondo cyiza uwunyakwigendera imana imuhe irihuko ridashira

iradukunda everigiste yanditse ku itariki ya: 24-05-2019  →  Musubize

Mu byukuri mu Rwanda rwacu ntitwakabaye tugikora aya mahano
Kwikora mu nda wica umugore .
ntago ari ibintu rubyiruko mupfashe tubyamagane ntibizadukuriremo
Murakoze cyane twiheshe agaciro, naho ubundi polici nikomeze gukurikirana iki kibazo

Nshiyimana Viateur yanditse ku itariki ya: 22-05-2019  →  Musubize

This is stupid.Igisubizo k’ibibazo,si ukwica ikiremwa k’Imana.Family Violence iteye ubwoba.Muli Mexico,hapfa abagore barenga 7 buri munsi bishwe n’abagabo.Ikindi kandi,abashakanye bacana inyuma babarirwa muli za millions.Impamvu mu ngo habamo ibibazo,nuko abashakanye badakurikiza inama dusanga muli bible twahawe n’Imana.Idusaba ko dukundana,tukababarirana,tukihanganirana,tukubahana,etc… Nguwo umuti rukumbi wa Family Violence.Imana yaduhaye bible kugirango abantu babane mu mahoro.Turamutse dukoze icyo bible idusaba,ibi byose byavaho:Family Violence,Intambara,kurwana,gucana inyuma,kwiba,gusambana,gucurana ibyisi,akarengane,etc…Abanga kumvira Imana,bible ivuga ko izabarimbura bose ku munsi wa nyuma.

munyemana yanditse ku itariki ya: 21-05-2019  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.