Ubwo Kageruka yavaga ku kabari aho yasangiraga inzoga n’incuti ye Gakumba Gaspard ataha mu rugo iwe yaje kusitara agwa mu mukingo ahita apfa.

Umuvugizi wa Polisi, Supt. Theos Badege, arasaba abantu kwirinda impanuka zatera impfu. Yagize ati : « Impanuka hafi ya zose zishobora gutera impfu zishobora kwirindwa, ni yo mpamvu abantu bagomba kugerageza kuzirinda igihe cyose».

Yongeraho ko biteye isoni kuba abantu bangiza ubuzima bwabo kandi n’igihugu kiratakaza. Ati : « Ntibibabaza gusa ababakunda, ugupfa kwabo kugira ingaruka ku gihugu. »

Polisi y’Igihugu irahamagarira abantu kwirinda impanuka zaba intandaro y’impfu zitunguranye.

Nshimiyimana Leonard