Nk’uko Kigali Today yabitangarijwe na Iragaba Felix, umunyamabanga nshingwabikorwa w’Umurenge wa Mahama, ngo kugira ngo izo nka zifatwe habaye imikoranire myiza n’abaturage baturiye icyambu.

Ngo bakimara kubona ko hari inka zambukijwe zivuye Tanzaniya bahise babimenyesha inzego zishinzwe umutekano zihita zifatwa.

Mu gihe Polisi yamaraga kugera ku cyambu ngo abari bazishoreye bahise biruka baracika na n’ubu bakaba bagishakishwa ngo bahanwe.

Iragaba yakomeje abivuga ubu izo nka zirindiwe mu rwuri rwa MINAGRI ruherereye mu Kagari ka Munini mu gihe hategerejwe ko abibwe inka baza kwigaragaza bakazisubizwa nyuma yo gukorana n’ubuyobozi bwa Tanzaniya hatangwa amakuru ko hari inka zabo zageze mu Rwanda zibwe zigafatwa.

Servilien Mutuyimana