Ni impanuka yari yabaye ku wa 1 Gashyantare 2016, babiri barimo umusare wari utwaye ubwato bararokoka naho batatu baburirwa irengero.

Ngirabatinya Modeste, Umunyamabanga Nshingwabikorwa w’Umurenge wa Mpanga mu Karere ka Kirehe, avuga ko bamaze iminsi bashakisha imirambo y’abantu batatu barohamye mu mazi, ku bufatanye bw’ingabo na Polisi bakaba bamaze kurohora ibiri undi ugishakishwa.

Imirambo imaze kuboneka ni uwa Rwabufigiri Léonard n’umushumba we James bakomoka mu Karere ka Nyagatare naho uwa Bizimana Nturo wo mu Karere ka Ngoma, won go ukaba ugishakishwa.

Ngirabatinya avuga ko imiryango ya ba nyakwigendera irimo guhita ishyikirizwa imiryango yayo.

Akomeza avuga ko hakozwe inama y’umutekano mu tugari twegereye Uruzi rw’Akagera babakangurira kwirinda impanuka ziterwa n’Uruzi rw’Akagera.

Akomeza avuga ko banabakanguriye kujya basaba ibyangombwa kandi bakanyura mu nzira zizwi n’urwego rushinzwe abinjira n’abasohoka mu gihugu.

Abo baturage barohamye mu Kagera ubwo bari bagiye muri Tanzaniya banyuze mu nzira zitemewe n’amategeko.