Uwo mwana avuga ko se yamutumye kujya kwahira ubwatsi mu mirima y’abaturanyi ariko arabitinya ngo batamufata bituma atinda kugera mu rugo anahagera ntabwo azanye. Se yahise amukubitisha ingufuri bafungisha igari arangije ayita mu musarane.

Mukashyaka afite ibikomere umubiri wose kandi avuga ko amaze igihe kigera ku cyumweru atarajya kubyivuza kuko ngo yari yaratinye kubivuga. Uyu mwana abana na mukase kuko nyina se yaramwirukanye.

Nyirabaziyaka Alphonsine ni umugore wa Kagorora Simon akaba na nyina wa Mukashyaka avuga ko umugore Kagorora afite ari uwa gatanu kuko ngo n’abandi bagenda batandukana.

Kimwe n’abaturanyi babo, Nyirabaziyaka avuga ko Kagorora yakuye Mukashyaka mu ishuri kandi nta n’ubwisungane mu kwivuza agira. Uwo mugabo kandi ngo anywa urumogi bakaba aribyo bakeka ko byatumye akubitisha uyu mwana we igufuri y’igare.

Aho afungiye, Kagorora Simoni yemera ko yakubise umwana we. Ubuyobozi ubu bugiye gushaka uko bamugeza kwa muganga ngo abe yavurwa.

Grégoire Kagenzi