Nsengiyumva yahawe iyo nka kugira ngo ajye yoroza abandi nuko agezeyo arayigurisha ahungira mu karere ka Kirehe; nk’uko umunyamabanga nshingwabikorwa w’umurenge wa Gatore mu karere ka Kirehe, Kanzayire consolée abivuga.

Akimara kugurisha iyi nka yahawe muri gahunda ya Girinka, Nsengiyumva Emmanuel atuye mu murenge wa Simbi mu karere ka Huye yahise ahungira mu murenge wa Gatore mu karere ka Kirehe ari naho umugore we yaje kumenya ko yahungiye akaza kuhamureba.

Umugore w’uyu mugabo yaje kumureba kubera ko yari amaze kugurisha inka kandi bari bamaze kuyikuraho ibintu byinshi ikindi kandi ngo yayigurishije ataritura abandi nk’uko gahunda ya Girinka ibiteganya.

Nsengiyumva afungiye kuri sitasiyo ya polisi ya Kirehe naho umugore we bategetse uyu mugabo aba amuhaye ibihumbi makumyabiri bya tike yamuzanye ava mu murenge wa Simbi ho mu karere ka Huye mu ntara y’amjyepfo mu gihe bagikurikirana ikibazo cy’uyu mugabo we.

Grégoire Kagenzi