KT TV
Kigali: Polisi yasobanuye uko imihanda ikoreshwa kuri uyu munsi w’irahira rya Perezida Kagame
Mu gihe abashyitsi bamwe bamaze kugera mu Rwanda aho bitabiriye ibirori by’irahira rya Perezida wa Repubulika Paul Kagame biba kuri iki Cyumweru tariki 11 Kanama 2024, abaturage bakoresha umuhanda uva i Kanombe ku kibuga cy’indege kugera mu mujyi basabwe korohera abashyitsi kugira ngo badahura n’umuvundo w’ibinyabiziga byinshi.
Umuvugizi wa Polisi y’u Rwanda, ACP Boniface Rutikanga, yateguje Abanyarwanda ko imwe mu mihanda yo mu Mujyi wa Kigali ifungwa mu rwego rwo koroshya ingendo z’abashyitsi bitabira umuhango wo kurahira kwa Perezida wa Repubulika.
Ati “Turizeza Abanyarwanda ko ibintu biteguye neza kandi abantu bose batumiwe kujya kuri Stade Amahoro bagerayo nta nkomyi.”
ACP Rutikanga, yijeje Abanyarwanda ko umutekano ari wose. Yatangaje ko umuhanda uturuka ku kibuga i Kanombe – Giporoso- Gisimenti- Kwa Lando- Kigali Convention Centre (KCC) Gishushu ugakomeza kugera Camp Kigali ukoreshwa n’abayobozi.
Abatwara ibinyabiziga barajya bakoresha indi mihanda isigaye kandi haraba hari abapolisi babayobora mu yindi mihanda bagomba gucamo.
Umuvugizi wa Polisi y’u Rwanda, ACP Boniface Rutikanga, yateguje Abanyarwanda ko imwe mu mihanda yo mu Mujyi wa Kigali izafungwa mu rwego rwo koroshya ingendo z’abashyitsi bazitabira umuhango wo kurahira kwa Perezida wa Repubulika uzaba ku Cyumweru. #RBAAmakuru pic.twitter.com/ckCgruXbwv
— Rwanda Broadcasting Agency (RBA) (@rbarwanda) August 10, 2024
Umujyi wa Kigali na wo watangaje ibyerekeranye n’ikoreshwa ry’imihanda kuri iki Cyumweru, usaba abakoresha imihanda yo mu Mujyi wa Kigali kwihanganira guhagarikwa by’igihe gito mu gihe abashyitsi baba barimo gutambuka.
Inkuru zijyanye na: Kagame Inauguration 2024
- Nyuma y’irahira rya Perezida wa Repubulika harakurikiraho iki?
- Perezida Kagame yakiriye abakuru b’Ibihugu barimo uwa Guinea na Somalia
- Itorero Urukerereza ryanyuze abitabiriye ibirori by’Irahira rya Perezida Kagame
- Kuri uyu wa Mbere mu Rwanda hatanzwe ikiruhuko rusange
- Ibihe by’Amateka n’Umurage w’Ubuyobozi bwa Paul Kagame
- Iyi manda nshya ni iyo gukora ibirenze kugira ngo ibyo twifuza tubigereho - Kagame
- Perezida Kagame yarahiriye kuyobora u Rwanda (Amafoto)
- Abanyarwanda baturutse hirya no hino bitabiriye irahira rya Perezida Kagame (Amafoto)
- Obasanjo, Touadéra, Mnangagwa, Mswati III, Gnassingbé, Nana Akufo-Addo,… bageze mu Rwanda
- Video: Reba uko Gen Muhoozi yasesekaye i Kigali mu irahira rya Kagame
- Abanyacyubahiro batandukanye bageze i Kigali mu irahira rya Perezida Kagame
- Umukuru w’Igihugu ararahira kuri iki Cyumweru: Ibisobanuro by’indahiro ye n’ibirango ahabwa
Ibitekerezo
Ohereza igitekerezo
|
|
