Uwo mwana yabwiye mama we ko yahohotewe n’umuturanyi, maze mama we ahita abimenyesha Polisi. Ku bufatanye bw’abayobozi b’inzego z’ibanze, Polisi yahise ita muri yombi Dushimimana. Uwahohotewe yajyanwe gukorerwa ibizamini ku bitaro bikuru bya Rwinkavu; nk’uko polisi ibitangaza.

Dushimimana ashobora kuzajyanwa mu kigo ngororamuco igihe azaba ahamwe n’icyaha kuko atarageza ku myaka y’ubukure.

Polisi yasabye ababyeyi kudasiga abana bonyine igihe bari mu kazi, bakagenzura niba bari kumwe n’abantu bakuru babitaho.

Umuvugizi wa Polisi, Theos Badege, asaba abantu bose cyane cyane ababyeyi guha abana babo umwanya kugira ngo babone uburere bw’ababyeyi mu rwego rwo gukumira ibyaha nk’ibyo.

Yagize ati “Abana ntibakwiye gusigwa bonyine, bakwiye kuba bari kumwe n’abantu bakuru bagomba kwibitaho, bityo bagakumira ko ibyaha nk’ibyo biba.”

Nshimiyimana Leonard