Ubwo uwo mugore n’umugabo barwanaga, umuturanyi basangiraga yasanze yaba abaye ikigwari kubera bagenzi be bakomeje kwiha rubanda atangira kubajya hagati ngo abakize.

Ibyamubayeho ariko ni ingorane zikomeye kuko wa mugore na wa mugabo bahise bamwadukira bamuta ku munigo n’inshyi rugeretse. Uwo muturanyi iyo atagira abasirikare banyuze hafi y’akabari bagiye mu irondo ry’umutekano bakumva induru maze bakajya kureba ikibaye, umugabo yari kuhasiga ubuzima.

Ubwo umunyamakuru wa Kigali Today yahageraga yasanze umugore n’umugabo babicaje hasi barimo gusobanura uko byagenze. Umusirikare wari ukuriye abagiye mu irondo yafashe icyemezo cyo kubajyana kuri station ya polisi. Nyiri ugukubitwa n’abarwanaga nawe yari ahagaze hafi aho amashati yamucikiyeho afite n’amaraso ku ishati bigaragara ko yahababariye.

Umugore n’umugabo basobanura impamvu barwanye. Abashinzwe umutekano barimo kumva ibyo bavuga

Nubwo uriya mugabo yagize ubutwari bwo gutabara, umuntu agendeye kuri wa mugani wa Kinyarwanda ngo iyo abavandimwe bavumbitse akarenge jya ukuramo akawe, iyo noneho bigeze kubashakanye, burya iyo bikunaniye witabaza abashinzwe umutekano.

Gasana Marcellin