Umurambo wa nyakwigendera wabonetse mu mudugudu wa Muganda mu kagari ka Karambo, aho yatoraguwe iruhande rw’amazi bias nk’aho yahanutse akikubita ku ibuye kubera ubusinzi nubwo hataramenyekana neza icyaba cyihishe inyuma y’urupfu rwe.

Umunyamabanga nshingabikorwa w’umurenge wa Karambo Gustave Gahire avuga ko Harerimana yitabye Imana mu gihe hari ikirego yari yashikirije inzego zibanze gusa ngo ntago umuntu yahita yemeza neza ko hari aho bihuriye n’urupfu rwe.

Mbere yuko Harerimana yitaba Imana ngo yari yiriwe ku muhungu we aho yavuye ataha nuko mu rugo barategereza burinda bugera mu gitondo bataramubona kandi atari asanzwe azwiho ingeso y’ubusinzi.

Impanuka nk’izi ntizikunze kubaho mu murenge wa Karambo kuko iheruka nko mu mezi abiri ashize aho hari abantu bigeze gutera umugore icyuma ariko bakaba barafashwe bagashikirizwa inzego zishinzwe umutekano.

Valence Harerimana yitabye imana asize umugore hamwe n’abana batanu harimo abari bakibana nawe hamwe na nyina ubabyara.

Abdul Tarib