Abaturanyi ba Habumuremyi avuga ko uwo mugabo uri mu kigero cy’imyaka 25 yiyahuye kubera ko abayobozi b’umudugudu na komite ishinzwe ubwisungane mu kwivuza buzwi (mutuelle de santé) bamwambuye radiyo ye kubera ko atarishyura amafaranga ya mitiweli.

Abayobozi bamaze kumwambura radiyo, Habumuremnyi yagize umujinya ajya kwishyira mu kagozi ariko umugore we amukuramo atarapfa.

Umunyamabanga Nshingwabikorwa w’Umurenge wa Janja, Buradiyo Theogene, atangaza ko kwiyahura kwa Habumuremyi ntaho guhuriye na mitiweli kuko ari mu cyiciro kizishyurirwa na Leta. Akomeza avuga impamvu yatumye agerageza kwiyahura ari amande yaciwe bitewe no kudakora umuganda.

Buradiyo yemeza ko icyo kibazo cyaje cyiyongera ku bibazo Habumuremnyi afite mu muryango we harimo n’ubukene. Akaba avuga ko bagiye gushaka uburyo bamufasha ngo ave muri ubwo bukene.

Nshimiyimana Leonard