KT TV
General Kazura yagizwe Umugaba Mukuru w’Ingabo z’u Rwanda
Perezida wa Repubulika Paul Kagame akaba n’Umugaba w’Ikirenga w’Ingabo z’u Rwanda, yakoze impinduka mu gisirikare.
Maj Gen Jean Bosco Kazura yahawe ipeti rya General agirwa Umugaba mukuru w’Ingabo z’u Rwanda.
General Kazura yasimbuye kuri uwo mwanya General Patrick Nyamvumba wahawe kuyobora Minisiteri y’Umutekano.
General Kazura yayoboraga ishuri rikuru rya Gisirikare (RDF Command and Staff College).
Brigadier General Didas Ndahiro yahawe inshingano zo kuyobora ishuri rikuru rya Gisirikare (RDF Command and Staff College) asimbura General Kazura.
Mu zindi mpinduka zabaye ni uko General Fred Ibingira yagizwe Umugaba mukuru w’Inkeragutabara.
Major General Innocent Kabandana yagizwe Umugaba mukuru wungirije w’Inkeragutabara.
Leutenant General Jacques Musemakweli yagizwe Umugenzuzi mukuru w’Ingabo z’u Rwanda, naho Brigadier General Ephrem Rurangwa agirwa Umuyobozi w’Ishuri rya Gisirikare ry’i Gako.
Colonel James Ruzibiza yazamuwe mu ntera agirwa Brigadier General anashingwa ibyerekeranye n’ubwubatsi mu ngabo z’u Rwanda (Commander of Engineering Brigade).
Colonel Karusisi Ruki yazamuwe mu ntera ahabwa ipeti rya Brigadier General anagirwa umuyobozi w’umutwe w’ingabo udasanzwe (Special Operations force).
Lieutenant Colonel Emmanuel Kanobayire yazamuwe mu ntera agirwa Colonel, anagirwa umuyobozi wungirije w’umutwe w’ingabo udasanzwe.
Colonel Joseph Karegire yagizwe umuyobozi ushinzwe ibikorwa bya gisirikare n’amahugurwa mu ngabo z’u Rwanda (Chief J3).
Colonel Faustin Kalisa yagizwe ushinzwe abakozi mu ngabo z’u Rwanda (Chief J1) .
Colonel Adolphe Simbizi yagizwe ushinzwe ibikoresho (Chief J4).
Colonel Jean Paul Karangwa yahawe inshingano zo kuyobora Military Police.
Lieutenant Colonel Patrick Karuretwa yazamuwe mu ntera agirwa Colonel.
Lieutenant Colonel Jules Rwirangira yazamuwe mu ntera agirwa Colonel, anagirwa umuyobozi w’umutwe ukoresha intwaro ziremereye (Commander of Artillery Division).
Lieutenant Colonel Lausanne Ingabire yagizwe umuyobozi ushinzwe imibanire hagati y’abasirikare n’abasivili (Chief J9).
Major Regis Rwagasana Sankara yazamuwe mu ntera agirwa Lieutenant Colonel.
Itangazo rya Minisiteri y’Ingabo ryo ku wa mbere tariki 04 Ugushyingo 2019 rivuga ko izi mpinduka zihita zitangira gukurikizwa.
Ibitekerezo ( 1 )
Ohereza igitekerezo
|
|
Abayobozi bigihugu turabakunda cyane
Ariko nyuma yibyo nabaza nkikibazo ?
Esekuki nkatwe urubyiruko dushaka gutanga imbaraga mugukorera igihugu ariko mukatwirengagiza? Nabazaga.