Nk’uko bitangazwa na Uwimana Phocas uyobora Umurenge wa Karambo, ngo uyu mwana ubusanzwe uba mu Mujyi wa Kigali yishyuje nyina amafaranga ibihumbi 60 yari yaramugurije atayamuhaye aramukubita amurema uruguma.

Ntawibarinkuru yajyanwe ku Kigo Nderabuzima cya Karambo igitaraganya kugira ngo bamuvure, ariko bahise bamwohereza ku Bitaro by’i Nemba kuko yari afite ikibazo cy’amaso atareba neza bishoboke ko yamukubisemo ikintu.

Nteziyaremye yahise aburirwa irengero kugeza n’ubu ntiyari yatabwa muri yombi kugira ngo aryozwe ibyo yakoze.

Nubwo nta rugomo rukunze kubera mu murenge murenge wa Karambo mu karere ka Gakenke, ngo mu kwezi gushize hari umuturage wakubiswe icupa mu kabari bimuviramo kujyanwa kwa muganga.

Umuyobozi w’Umurenge wa Karambo yabwiye Kigali Today ko mu nama bagirana n’abaturage babakangurira kubana neza no kutihanira ahubwo ko bakwiye kugana ubuyobozi bukabafasha gukemura ibibazo bafitanye.

Nshimiyimana Leonard