Iyo modoka ifite puraki RAA 600 C yavaga kuri Base mu murenge wa Gashenyi yerekeza mu mujyi wa Gakenke igeze mu gasentere ka Rwamenyo irenga umuhanda igwa mu muferegi.

Iyo impanuka yatewe n’ubunyerereri bwatewe n’ imvura yaraye igwa bucya inakigwa ; nk’uko Abaturage batuye hafi y’aho imodoka yaguye batangarije umunyamakuru wa Kigalitoday.

Umushoferi wakomeretse yahise ajyanwa kwa muganga kuvurwa ibikomere mu gihe abandi babiri bari kumwe na we ntacyo babaye.

Muri ako gasentere ka Rwamenyo habereye impanuka eshatu mu gihe kitarenze amezi ane zahitanye abantu batatu bose b’abanyamahanga zinangiza ibintu izo modoka zari zitwaye ndetse n’imodoka ubwazo.

Nshimiyimana Leonard