Impanuka yatewe n’umuvuduko mwinshi no kutabona umuhanda neza kuko hakunze kuba igihu mu gihe cy’imvura; nk’uko bitangazwa na Polisi y’igihugu.

Umurambo wa nyakwigendera wahise ujyanwa ku bitaro bikuru bya Nemba mu karere ka Gakenke kugira ngo ukorerwe ibizamini.

Polisi y’igihugu irasaba abashoferi kubahiriza amategeko y’umuhanda, kwirinda kwiruka mu gihe cy’imvura kuko bitera impanuka.

Umuvugizi wa Polisi, Supt. Theos Badege agira ati: “Imvura ituma umuhanda unyerera kandi ntuwubone neza. Biragorana kuguma mu muhanda, guhagarara cyangwa kwirinda kugongana ni’izindi modoka”.

Supt. Badege yongeraho ko kubura feri, kutabona neza ku mushoferi no kutagira amatara byongera impanuka zibera mu muhanda.

Yibukije abashoferi ko hashyizweho ibihano bikarishye ku batazajya bajyana imodoka zabo muri controle ku gihe cyagenwe, kuko bazacibwa amande menshi ndetse n’ibinyabiziga byabo bigafatwa.

Nshimiyimana Leonard