Abaturage batuye hafi y’aho iyo kamyo yaguye bavuga ko impanuka yabaye mu ma saa mbiri z’ijoro ariko ntibamenya icyayiteye kuko bari mu nzu ubwo impanuka yabaga. Ngo bumvise urusaku rw’amaferi nyuma bumva iraguye. Iyo kamyo yaguye mu nsi y’umuhanda ahantu mu ikorosi.

Umushoferi Ahmed Abdullahi w’imyaka 24 y’amavuko na kigingi we Rachid bose bakomoka muri Tanzaniya bahise bapfa, imirambo ijyanywa ku bitaro bikuru bya Ruhengeri.

Ikamyo yarenze umuhanda imena amavuta yose yari itwaye

Iyo kamyo ifite nimero ziyiranga T 487 AEE yari itwaye amavuta y’indege (benzine) yavaga i Dar-es-Salaam mu gihugu cya Tanzaniya yerekeza i Goma muri Repubulika Iharanira Demokarasi ya Kongo.

Mu gihe cyitarenze amezi abiri, muri iryo ikoni ryo mu Rwamenyo habereye impanuka ebyiri z’amakamyo zikomeye zahitanye abantu babiri n’ibintu ziba zitwaye.

Nshimiyimana Leonard