Amakuru atangwa n’umunyamabanga nshingwabikorwa w’umurenge wa Byumba Ngezahumuremyi Theoneste avuga ko basanze yari yakomeretse mu mutwe ndetse n’igiti bamukubise bakakibona hafi yaho yari aryamye, ariko mu byo babonye byose nta cyangombwa bamusanganye.

Ikintu babashije kubona ngo ni terefone nayo itari ifite sim card ariko babashije kubona numero yasigaye kuri iyo terefone bayihamagaye bitabwa n’umuntu avuga ko ari uwo mu karere ka Gatsibo.

Polisi ikorera mu karere ka Gicumbi yahise ijyana iyo terefone ku biro bikuru bya MTN basanga ni iy’uwitwa Kamana Felicien.

Umurambo uracyari mu buruhukiro bw’ibitaro bikuru bya Byumba hakaba hategerejwe kumenya umuryango we, n’inzego z’umutekano nazo zigakomeza gukora iperereza ku bamwishe.

Ernestine Musanabera