Ushinzwe stock akaba na comptable w’iri shuri, Niyitegeka Emmanuel, yahise atoroka naho Ndayiramije Albert warindaga iki kigo wo muri Elephant Security ndetse na Ngamijirora Jean Damascene waguze imifuka 12 kuri izi sima bahise batabwa muri yombi na police.

Izi sima zatwawe saa yine z’ijoro aho uyu mucuruzi ngo yaje kuzireba muri stock, hanyuma umuzamu nawe akabareka bakazisohora. Mu gihe isima imwe ubusanzwe igura ibihumbi icumi ngo izi sima zo zagurishwaga ku mafaranga 6000Rwf umufuka.

Ndayiramije Arbert umuzamu waharindaga ubwo yamaraga gufatwa yemeye icyaha avuga ko comptable w’iki kigo akaba ari nawe wari ushinzwe stock yamubwiye ko yamufasha ngo asohore imari ye nuko uyu muzamu arabyemera.

Umunyamabanga nshingwabikorwa w’umurenge wa Mutendeli avuga ko bakoze igenzura nyuma yo kumva amakuru avuga ko izo sima zaba zinyerezwa bityo bagasanga aribyo haraburaga sima 22 ari nabwo bamwe bahise batabwa muri yombi.

Ubusanzwe sima zubaka mu mashuri y’uburezi bw’ibanze bw’imyaka 9 na 12 (9 &12YBE) ziba zatanzwe na minisiteri y’uburezi, aho baba bunganira ababyeyi mu kwiyubakira ibyumba by’amashuri byo kwigirwamo n’abana babo.

Mu masima 300 yari yoherejwe na minisiteri y’uburezi binyuze ku karere ka Ngoma, ngo basanze sima 22 arizo zari zimaze kunyerezwa muri iki cyigo cya GS. Mutendeli.

Jean Claude Gakwaya