Igisirikare cy’u Rwanda cyatangaje ko muri ayo masomo hatangiwemo ubumenyi mu bijyanye no gutwara ibinyabiziga bitandukanye bigizwe n’ibiremereye, ibyoroheje ndetse biga n’imikorere yabyo itandukanye.

Umugaba Mukuru w’Ingabo z’u Rwanda, Gen Mubarakh Muganga, ni we wayoboye umuhango wo gusoza aya mahugurwa yaberaga mu Kigo cya Gisirikare cya Kanombe mu Mujyi wa Kigali, bakaba barahawe ubwo bumenyi mu gihe kingana n’amezi arindwi.

Gen Mubarakh Muganga, nyuma yo kubashimira, yasobanuye ko ari ingenzi ko abakozi ba RDF bagira ubumenyi butandukanye mu gutwara ibinyabiziga.

Yabibukije ko bakwiriye kurangwa n’imyitwarire myiza, ubunyamwuga no kwirinda kunywa ibisindisha kuko ari kimwe mu bikunze guteza impanuka zo mu muhanda.