Bamwe mu bo bakoranaga mu karere badutangarije ko Byukusenge yitabye Polisi ku Cyicaro cyayo Gikuru ku Kacyiru agahita atabwa muri yombi.

Umwe mu bakozi b’Akarere ka Rutsiro utashatse ko amazina ye atangazwa, aganira na Kigali Today yagize ati "Nanjye numvise ko amaze iminsi yitaba agataha ariko ngo uyu munsi (ku wa gatatu tariki 2 Werurwe) yitabye agezeyo bahita bamufunga kubera ko hari umuntu uri Kacyiru yafungiwe wahise umpamagara arabimbwira."

Mu gihe tugitegereke ko Polisi igira icyo ivuga kuri aya makuru, nta kintu turumva kivugwa uyu mugabo wahoze ayobora Akarere ka Rutsiro yaba azira.

Abaye koko yatawe muri yombi, Byukusenge Gaspard, yaba abaye uwa kabiri ufunzwe mu bo bayoboranaga ako karere, kuko Murenzi Thomas wari Umunyamabanga Nshingwabikorwa wako yatawe muri yombi ku wa 17 Ugushyingo 2015 ashinjwa kwaka no kwakira ruswa.