Kavamahanga Anastase yavuze ko miliyoni enye yari yazihawe n’umucungamutungo Maniraguha Emmanuel nk’igihembo, kugira ngo atabivuga, byatumye ushiznwe kwakira abantu ari we Kamanzi Vital n’utanga amafaranga Noheli Nzamwitura baba ari bo bafatwa.

Banki y’abaturage agashami ka Rutsiro yibwe miliyoni zisaga 23 ariko hamaze kuboneka agera kuri miliyoni enye gusa.

Umuvugizi wa polisi mu ntara y’iburengerazuba IP Théobard Kanamugire, yagize ati “Kuri uyu wa kane twakoze umukwabu mu rugo rw’uwarindaga banki tumusangana miliyoni enye avuga ko yahawe n’umuyobozi wa banki nk’igihembo, ngo ntazabivuge hakaba harekuwe bamwe batahamwe n’ibimenyetso ubu tukaba dukomeje iperereza ngo turebe ko hari andi yaboneka ndetse n’abayatwaye bose.”

IP Kanamugire yakomeje anatanga ubutumwa aho agira inama abantu bose kutararikira kwiba amafaranga y’Abanyarwanda, asaba amabanki akwiye kugira Kamera yafasha kumenya uwaba yibye.

Umucungamutungo utungwagatoki n’uwarindaga iyi banki yazanye n’abantu batandatu ariko we arabihakana nk’uko Polisi ibitangaza. Ariko kimwe na bagenzi be bandi bafunganywe barimo abazamu babiri,umubitsi bose baracyafunzwe mu gihe ngo hakomeje iperereza.

Mbarushimana Cisse Aimable