Uyu musore witwa Nduwimana ngo yahamagaye uwo mukobwa kuri telephone amusaba kumusura ndetse amamwoherereza amafaranga 6000 maze umukobwa aratega aragenda.

Uyu mwana w’umukobwa avuga ko nyuma yo kumva ko arambiwe gukomeza kubana n’uyu musore kandi atari umugabo we yamusabye amafaranga amusubiza i Kigali aho avuka mu murenge wa Kimisagara Nduwimana amubwira ko hakiri vuba amwizeza ko ngo bazasubiranayo bombi nyuma y’iminsi y’akazi.

Umukobwa yabonye ko uyu musore akomeje kumubeshya kugirango akomeze kumugumana byatumye amusezeraho asanga undi mukobwa wari wamwemereye icumbi hafi aho ariko ngo yatangajwe nuko ngo Nduwimana amusanze aho yari ari kuri uwo mukobwa amubwira ko ngo yamwibye simukadi iriho amafaranga menshi ari nako guhita amujyana kuri Polisi.

Gusa akimugezayo uyu mwana yatekerereje inzego z’umutekano iby’urugendo rwe basanga Nduwimana afite amakosa menshi biba ngombwa ko baba babacumbikiye bombi kugirango bamenye ibyabo.

Uyu mwana w’umukobwa avuga ko Nduwimana yababajwe n’uko yanze ko bongera kurarana nkuko yari abimenyereye bituma ashaka kumutera ubwoba amubwira ko ashaka kumufungisha undi nawe aratsemba avuga ko adatinya gufungwa.

Kugeza ubu Nduwimana n’uyu mwana w’umukobwa bari mu maboko ya Polisi aho ibyabo biri kugezurwa kugirango barebe uwaba ari mu makosa, uyu mwana w’umukobwa asazwe ari umunyeshuri wo mu mwaka wa 4 w’amashuri y’isumbuye akaba yari ari mu biruhuko.

Musabwa Euphrem