Uwo musore w’imyaka 22 yafashwe ajya ku isoko rya Kinazi nyuma y’uko abashinzwe umutekano (inkeragutabara) batanze amakuru ku ba polisi.

Ngezahoguhora yari muri bamwe mu basore bakekwagaho gukoresha ibiyobyabwenge bashyizwe ku rutonde n’umurenge wa Kinazi; nk’uko byasobanuwe n’umuyobozi wa Polisi mu karere ka Ruhango.

Mbere yahoo ku wa gatanu tariki 24/02/2012, Polisi yataye muri yombi abanyeshuri batatu biga muri College de Kigoma na Lycée de Nyanza bafatiye mu cyuho banywa urumogi.

Umuvugizi wa Polisi Théos Badege avuga ko Polisi irimo gukora ibishoboka byose ngo ihagarike inzira ibiyobyabwenge binyuramo. Yagize ati: “Turimo kugerageza guhagarika inzira ibiyobyabwenge zinyuzwamo biva mu bihugu duturanye.”

Aramutse ahamwe n’icyaha, Ngezahoguhora azahanishwa igifungo kiri hagati y’amezi atandatu n’imyaka itanu nk’uko bigenwa n’ingingo ya 272 na 273 z’amategeko mpanabyaha y’u Rwanda.

Nshimiyimana Leonard